سەرۆکی دیوانی ئەنجوومەنی وەزیران: لیژنەی دارایی بەڵێنیاندا لە چارەسەرکردنی گرفتەکان هاوکاربن

ئاڤا نیوز

 

 

دوای دوو ڕۆژ مانەوە، کۆبوونەوەکانی لیژنەی دارایی ئەنجوومەنی نوێنەرانی عێراق کۆتایی هات، سەرۆکی دیوانی ئەنجوومەنی وەزیرانی هەرێمی کوردستان ڕاگەیاند، لەگەڵ لیژنەی دارایی، لەبارەی هەموو گرفتەکان قسە کراوە و ئەوان بەڵینیانداوە هاوکاربن.

 

وێنە گەورەکە: لیژنەیەکی دارایی ئەنجوومەنی نوێنەرانی عێراق بەسەرۆکایەتی عەتوان عەتوانی، سەرۆکی لیژنەی دارایی ئەنجوومەنی نوێنەرانی عێراق ماوەی چەند ڕۆژێکە بۆ قسەکردن لەسەر گرفتە داراییەکان لە هەرێمی کوردستانن و چەندین کۆبوونەوە لەسەر دۆسییەکانی نەوتی هەرێمی کوردستان و کێشەی مووچە ئەنجامدراون.

 

ڕاگەیێنراوی فەرمی: دوای کۆتاییهاتنی کۆبوونەوەکان، لە کۆنگرەیەکی ڕۆژنامەوانی د.ئومێد سەباح، سەرۆکی دیوانی ئەنجوومەنی وەزیرانی هەرێمی کوردستان ڕایگەیاند، لەسەر زۆر دۆسیە گفتوگۆ کراوە، لەوانە پرسی هەناردەکردنەوەی نەوتی هەرێمی کوردستان و تێگەیشتنی باش هەبووە، داوامان لە لیژنەی دارایی کرد بۆ چارەسەرکردنی گرفتەکانی مووچەی مانگی هەشت و نۆ هاوکار بن، ئەوان بەڵێنیانداوە بەزوویی بەدواداچوون بۆ ئەو پرسە بکەن.

 

زانیاریی زیاتر: لەبارەی سیستمی بەبانکیکردنی مووچەی فەرمانبەران د.ئومێد سەباح، گوتی: داتای ٪50ـی فەرمانبەران تۆمارکراوە، پێدانی پارە بە بانکەکان $25 کارا کراوە، تا کۆتایی ئەمساڵ یەک ملیۆن مووچەخۆر لەڕێگەی بانکەوە مووچە وەردەگرن. بەگوتەی د. ئومێد سەباح هەرێمی کوردستان تائێستا بوودجەی تەشغیلی وەنەگرتووە و داوا دەکرێت لیژنەی دارایی هاوکار بن.

 

ئەوەی پێویستە بیزانیت: بەگوتەی سەرۆکی دیوانی ئەنجوومەنی وەزیران، هەرێمی کوردستان مانگانە پابەند بووە بە ناردنی داهاتی نانەوتی و جەخت لەسەر چارەسەرکردنی هەموو کێشەکان دەکەینەوە.