لوبنان زیاتر لە ملیارێك دۆلار پارەی نەوتی عێراق قەرزارە

ئاڤا نيوز

عێراق بەردەوامە لە پێدانی نەوت بە لوبنان، سەرەڕای ئەوەی بەیرووت زیاتر لە ملیارێک دۆلاری بەغدا قەرزارە.

زانیاری بەدەستهاتوو: بەرپرسێکی لوبنانیی بە میدیاکانی وڵاتەکەی گوتووە: بەهای ئەو بڕە نەوتەی کە لە ساڵی 2021 عێراق بە لوبنانی داوە، تا ئەمرۆ ملیارێک و 70 ملیۆن دۆلارە، هێشتا ئەو بڕە پارەیە نەدراوە بە بەغدا.

بەگوتەی بەرپرسە لوبنانیەکە "بەیروت بەنیازە سەکۆیەکی دارایی دابمەزرێنێت بۆ دانەوەی قەرزەکانی، بەڵام بەهۆی ڕۆتینی کارگێڕییەوە دامەزراندنی ئەو سەکۆیە دواکەوتووە، هەڵویستی عێراقیش ئەرێنییەو لە دۆخی لوبنان تێگەیشتووە، مانگانەش 120 تۆن نەوت لە عێراق دەکڕن".

زانیاریی زیاتر: لەبەرامبەردا لوبنان لەکۆمەڵێک بواردا هاوکاری عێراق دەکات، لەسەر ئاستی ئەمنیی و ڕووبەرووبوونەوەی مادە هۆشبەرەکان، هەروەها ئاسانکاريی بۆ گەشتیارانی عێراقی دەکات.