بەرهەمی جووتیارانی کورد لە گەورەترین پێشانگەی كشتوكاڵی نمایش دەکرێت

ئاڤا نیوز

 

حكومەتی هەرێمی كوردستان بەرهەمی جووتیارانی كورد دەباتە گەورەترین پێشانگەی كشتوكاڵی لە فەرەنسا.

 

وێنە گەورەكە: یەكێک لە ئامانجەكانی پێشانگە كشتوكاڵییەكان بە بازاڕكردن و نمایشكردنی بەرهەمی جووتیارانی وڵاتانە، حكومەتی هەرێمی كوردستانیش بۆ هەمان مەبەست بەرهەمی جووتیارانی كورد دەباتە پێشانگە نێودەوڵەتییەكان، لە ڕابردووشدا كاریگەریی بەرچاوی بۆ فراوانكردنی پرۆسەی بەبازاڕكردنی بەرهەمی ناوخۆ هەبووە.

 

لێدوانی فەرمی: محەممەد شوكری، سەرۆكی دەستەی وەبەرهێنانی هەرێمی كوردستان بە ئاڤا نیوزی ڕاگەیاند: مانگی داهاتوو لە وڵای فەڕەنسا، پێشانگەیەكی كشتوكاڵی دەکرێتەوە كە گەورەترین پێشانگەی كشتوكاڵییە، تیایدا هەرێمی كوردستانیش بە فەرمی بەشداریی دەكات و بەرهەمی جووتیارانی كوردستانیش لەو پێشانگە گرنگە دا نمایش دەكرێ.

 

لەلایەكی دیكەوە: ڕۆژی 21-9-2024، لەچوارچێوەی ڕێوڕەسمی كردنەوەی كارگەی ئاردی سلیڤا لە زاخۆ، سەرۆكوەزیران مەسرور بارزانی ڕایگەیاند: ئێمە بەكردار دەستمان بە دۆزینەوەی بازاڕی ناوخۆیی و دەرەوە بۆ بەرهەمی جووتیارانی هەرێمی كوردستان كردووە، ئێستا چەندین بەرهەمی جووتیارانمان دەگاتە بازاڕەكانی عەرەبی و ئەورووپی، پێویستە و زۆر گرنگە جووتیارانمان زیاتر خۆیان پێشبخەن و ئاستی كوالێتیی بەرهەمەكانیان بەرز ڕابگرن.