شەپۆلێکی بارانبارین و ڕەشەبا هەرێمی کوردستان دەگرێتەوە

ئاڤا نیوز

 

لە ماوەی چەند کاتژمێری داهاتوودا، سێ پارێزگای هەرێمی کوردستان و دوو پارێزگای عێراق بە نمە باران و ڕەشەبا پێشوازی لە پاییز دەکەن. 

 

ڕاگەیێنراوی فەرمی: کەشناسی عێراق ڕایگەیاند: لە کاتژمێرەکانی داهاتوودا باران لە چەند ناوچەیەکی جیاوازی عێراق دەبارێت، لەوانەش ناوچە شاخاوییەکانی هەرسێ پارێزگای هەولێر و دهۆک و سلێمانی و بەشێکیش لەهەردوو پارێزگای نەینەوا و سەڵاحەدین دەگرێتەوە.

 

ئه‌وه‌ی پێویسته‌ بیزانیت: بەگوێرەی زانیارییە فەلەکناسیەکان، لەڕۆژی 21 ئەیلول وەرزی پاییز دەستپێدەکات، کە لە 90 ڕۆژ پێکدێت و هەندێک جاریش بۆ یەک ڕۆژ پێش یان دوا دەکەوێت، بە بڕوای شارەزایانی بوارەکە دیاریکردنی یەکەم ڕۆژی پایز پشت بەدووری نێوان خۆر و زەوی دەبەستێت.