ئامێری پەیجەر لە عێراق نییە

ئاڤا نیوز 

 

لیژنەی گواستنەوە و پەیوەندیكردنی پەرلەمانی عێراق بەدواداچوون دەكات و بۆی دەردەكەوێت كە ئامێری پەیجەر لە عێراق نییە.

وێنە گەورەکە: دوێنێ و ئەمڕۆ هێرشی ئەلیکترۆنی لەلایەن ئیسرائیلەوە کرایە سەر ئامێرەکانی پەیوەندیکردنی ئەندامانی حیزبوڵڵای لوبنان، لەڕێگەی هاککردنەوە لەیەک کاتدا بێتەلەکان تەقێنرانەوە و بێتەلەكان لە جۆری پەیجەر بوون.

لێدوانی فەرمی: كاروان یاروەیس پەرلەمانتاری عێراق ڕایگەیاند: ئەمڕۆ لیژنەی گواستنەوە و پەیوەندییکردنی پەرلەمانی عێراق بەدواداچوونمان کرد لەگەڵ دەستەی راگەیاندن و پەیوەندییکردنی عێراق، بۆمان دەركەوت كە ئەو ئامێرە یاخود ئەو خزمەتگوزاریە لەنێو هێزە ئەمنییەكان و لەنێو خەڵکدا كاری پێناكرێت.

 

لەلایەكی دیكەوە: ئەو پەرلەمانتارە داوا دەكات هەر ئامێر و خزمەتگوزارییەکی دیكەی هاوشێوەی پەیجەر لە ئەگەری بوونیدا ، پێویستە پشکنینی بۆ بکرێ بۆ دڵنیابوون.