200 هەزار مووچەخۆر لە ڕێگەی هەژماری من مووچە وەردەگرن

ئاڤا نیوز 

 

80 هەزار مووچەخۆری دیکە مووچەی مانگی هەشت لە ڕێگەی هەژماری من مووچە وەردەگرن، ژمارەی ئامێرەکانیش بۆ 200 ئامێر زیاد کراوە.

 

وێنە گەورەکە: 280 هەزار کارتی بانکی بەسەر مووچەخۆراندا دابەشکراون و سەرجەم کارتەکان چالاک کراون، بۆ وەرگرتنی مووچەی مانگی هەشت لە 67 شوێنی هەرێمی کوردستان ئامێری ڕاکێشانی پارە (ATM) دادەنرێت.

 

زانیاریی تایبەت: تیمی هەژماری بە ئاڤا نیوزی گوت، "لە کۆی 280 هەزار کارتی چالاککراو، 200 هەزار مووچەخۆر دەتوانن مووچەیان لە ئامێرەکانی ATM لە پارێزگاکانی هەولێر، سلێمانی و دهۆک ڕابکێشن".

 

ئەوەی پێوستە بیزانت: مانگی پێشوو 120 هەزار مووچەخۆر لە سلێمانی و هەولێر و دهۆک مووچەکانیان بە شێوازی دیجیتاڵی وەرگرت، کە 103 هەزار فەرمانبەر و 17 هەزار مووچەخۆری هێزە ئەمنییەکان بوون.