خورمای دیالە دەگاتە ڕۆژهەڵاتی ئاسیا و ئەوروپا

ئاڤا نیوز

 

بەڕێوەبەرایەتیی کشتوکاڵی دیالە پێشبینی دەکات بەرهەمی خورمای ئەم ساڵی پارێزگاکە بگاتە  150 هەزار تۆن، لەکاتێکدا خواستێکی زۆر لەسەر هەناردەکردنی خورمای عێراق هەیە بۆ ڕۆژهەڵاتی ئاسیا و ئەوروپا .

 

لێدوانی فەرمی:  محەممەد مەندەلاوی، گوتەبێژی کشتوکاڵی دیالە ڕایگەیاند: پێشبینی دەکرێت بەرهەمی خورما بۆ وەرزی ئەمساڵ بگاتە 150 هەزار تۆن، لەکاتێکدا ساڵی ڕابردوو بڕی بەرهەمهێنان و بەبازاڕکردنی خورما 135 هەزار تۆنی تێنەپەڕاندبوو.

 

ئەوەی پێویستە بیزانیت: بەهۆی جۆرە جیاواز و تایبەتەکانی، خورمای عێراق ساڵی ڕابردوو خواستێکی زۆری وڵاتانی جیهانی لەسەر بوو،  مەندەلاویش پێشبینی دەکات ئەمساڵ بگاتە بازاڕەکانی ڕۆژهەڵاتی ئاسیا و ئەوروپا.

 

ئەمەش بزانە: عێراق ساڵانە 735 هەزار تۆن خورما لە 17 ملیۆن دارخورما بەرهەمدەهێنێت و لە پلەی چوارەمی وڵاتانی جیهاندایە.