
خانەنشینێک مووچەکەی دەژمێرێت، گرافیک: ئاڤا نیوز
ئاڤا نیوز
لیستی مووچەی مانگی هەشتی خانەنشینان بەبێ گۆڕانکاری و هاوشێوەی مانگی حەوت ڕەوانەی وەزارەتی دارایی و ئابووریی هەرێمی کوردستان کراوە، بەمپێیە خانەنشینانی پێشمەرگە مووچەی مانگی هەشت بە هاوتاکراوی وەرناگرن.
وێنە گەورەکە: بۆ دووەم مانگ خانەنشینانی مەدەنی و بەشێک لە خانەنشینانی سەربازیی لە هەرێمی کوردستان مووچە بە هاوتاکراوی وەردەگرن، بەڵام هێشتا مووچەی خانەنشینانی پێشمەرگە چارەسەرنەکراوە کە ژمارەیان نزیکەی 90 هەزار مووچەخۆرە.
لێدوانی فەرمی: سارا حەمە نەجیب، بەڕێوەبەری بەشی ژمێریاریی لە بەڕێوەبەرایەتیی خانەنشینی سلێمانی بە ئاڤا نیوزی گوت: "خانەنشینانی مەدەنی و خانەنشینانی هێزەکانی ناوخۆ و پلە تایبەتەکان کە خزمەتی کردەییان هەیە، مووچەی مانگی هەشت هاوشێوەی مانگی ڕابردوو بە هاوتاکراوی وەردەگرن".
ئەوەی پێوستە بیزانیت: کۆی خانەنشینان لە هەرێمی کوردستان ژمارەیان نزیکەی 250 هەزارە، نزیکەی 90 هەزاریان خانەنشینی پێشمەرگەن و بەهۆی هەبوونی چەند گرفتێک تاوەکو ئێستا مووچەیان لەگەڵ خانەنشینانی عێراق هاوتا نەکراوە، ئاڤا نیوز زانیویەتی مووچەی مانگی هەشتیش بە هاوتاکراوی وەرناگرن, بۆ مووچەی مانگی نۆ هەوڵدەدرێت گرفتەکان چارەسەربکرێن و مووچەیان هاوتا بکرێت.
هۆکارە زانراوەکان: بەگشتی کێشە لە زانیارییەکانیان هەیە؛ بەشێکیان بایۆمەترییان نییە، بەشێکیان ساڵی خزمەتیان دیارنییە، بەشێکیشیان ڕوون نییە چ بڕوانامەیەکیان هەیە.
چارەسەرەکان چین: بۆ تەواوکردنی هاوتاکردنی مووچەی خانەنشینانی پێشمەرگە، دەبێت وەزارەتی دارایی و ئابووریی هەرێمی کوردستان و وەزارەتی پێشمەرگە کۆببنەوە، دواتر ئەنجامەکەی لە ئەنجوومەنی وەزیرانی هەرێمی کوردستان پەسند بکرێت.
زیاتر لەسەر ئەم بابەتانە بکۆڵەرەوە
دوایین هەواڵەکان
- بزنس
- 2 کاتژمێر لەمەوپێش
کاردانەوەی وڵاتان بەرامبەر بە سەپاندنی پێناسی گومرگی لەلایەن ترەمپ
هەڵبژاردەکان بۆ تۆ
عێراق و هەرێمی کوردستان بە جیا پەنا بۆ بەکارهێنانی بارانی دەستکرد دەبەن
2 نیسان
نانسی عەجرەم دێتە هەولێر و لە پاڤیلیۆن کۆنسێرت دەکات
1 نیسان
لە ئەمڕۆوە شەپۆلی گەشتیاری ڕوو لە شارەکانی هەرێمی کوردستان دەکات
1 نیسان
ژنانی ئێران بەشدارییان لە نوێژی جەژن کرد
31 ئازار
ئاڤا ڕەمەزانێکی ملیار بینەری تێپەڕ کرد
30 ئازار
- بزنس
- 2 کاتژمێر لەمەوپێش
کاردانەوەی وڵاتان بەرامبەر بە سەپاندنی پێناسی گومرگی لەلایەن ترەمپ
- بزنس
- 20 کاتژمێر لەمەوپێش
ترەمپ باجی گومرگی بەسەر دەیان وڵات سەپاند