یەکەم دانپێدانانی تۆمەتباری بکوژی نارین

ئاڤا نیوز

 

کوژرانی نارینی بچووک هەموو تورکیا هەژاند، بەتایبەت دوای ئەوەی دەرکەوت مامی بەشێوەیەکی دڕندانە دەستی لە کوشتنیدا هەبووە، تاوەکو ئێستا لێكۆڵینەوە لە نزیکەی 300 کەس کراوە و 24 کەسیش دەستبەسەرکراون.

چیرۆکی سەرەکی: نارین گورەنی تەمەن 8 ساڵ، خەڵکی شاری ئامەدی باکووری کوردستان، 21 ڕۆژ پێش ئێستا دەچێتە خولی قورئانخوێندن، بەڵام ناگەڕێتەوە و ون دەبێت، سەرجەم تیمەکانی پۆلیس بەدوایدا دەگەڕان, تاوەکو دوو ڕۆژ لەمەوبەر تەرمەکەی بە کوژراوی لە نێو گۆمێک لە نزیک گوندەکەی خۆیان دۆزرایەوە.

 کاردانەوەکان: کاردانەوەکانی دوای مردنی نارینی بچووک بەردەوامن، لە زۆرێک لە شار و شارۆچکەکان گردبوونەوەی جەماوەری لە دژی ئەو تاوانە ڕێکخراوە.  

ئەنجام: بەپێی لێکۆڵێنەوە سەرەتاییەکان، پەڵەی خوێنی نارین لەنێو ئۆتۆمبێلەکەی مامی نارین دۆزراوەتەوە، کەسێکیش شایەتی لەسەر ئەوە داوە کە مامی نارین بەرامبەر 200 هەزار لیرە داوای لێکردووە تەرمەکەی بشارێتەوە، دواتر نارین خراوەتە ناو گونیەیەک و 15-20 کیلۆ قورسایی خراوەتە نێوی و بە قایشی جانتاکەی دەمی بەستراوەتەوە و خراوەتە نێو ئاوەوە تاوەکو گیانی لەدەستداوە.