لە ڤێتنام بەهۆی داڕمانی پردێک 24 کەس گیانیان لەدەست دا

ئاڤا نیوز

کەشوهەوای نالەبار بووە هۆی ڕووخانی پردێک لە ڤێتنام، بەهۆیەوە 24 کەس گیانیان لەدەست دا و سەدان کەسیش بریندار بوون.

چیرۆکی سەرەکی: دوو ڕۆژە گەردەلوول و لافاو و هەندێکجاریش بوومەلەرزە باکووری وڵاتی ڤێتنامی گرتووەتەوە، پردێکی گەورە داڕماوە و بەهۆیەوە تاوەکو ئێستا 24 کەس گیانیان لەدەست داوە و 299 کەسیش بریندارن.

لێدوانی فەرمی: ئەمڕۆ دووشەممە ‌حکومەتی ڤێتنام ڕایگەیاند:  بەهۆی زریانەوە کارەبا و هێڵەکانی پەیوەندیی لە چەند ناوچەیەکی وڵات بڕاون، ئەمەش دۆخەکەی سەختتر کردووە.

لەلایەکی دیکەوە: دەزگای کەشناسی ڤێتنام هۆشداری لە لافاو و زریانی زیاتر داوە. ئەمە لەکاتێکدایە لە 24 کاتژمێری ڕابردوودا لە چەند ناوچەیەکی ڤێتنام بارانبارین لەنێوان 208 بۆ 433 ملیمەتر بووە.