ئەنجوومەنی ئاسایش: بەهزاد خوسرەوی بە فەرمانی سەرۆکی یەکێتی ڕادەستی ئێران کراوەتەوە

ئاڤا نیوز

 

 

ئەنجوومەنی ئاسایشی هەرێمی کوردستان ڕاگەیێنراوێکی لەبارە دۆسیەی بەهزاد خوسرەوی بڵاوکردەوە و دەڵێت، یەکێتیی بە فەرمانی سەرۆکەکەی ئەو ئەندامەی حیزبی دیموکراتی کوردستانی ئێرانی ڕادەستی بە ناوی ئاسایشی سلێمانی و ئێرانی کردووە.

 

چیرۆکی سەرەکی: هەفتەی ڕابردوو ئاسایشی سلێمانی ئەندامێکی حیزبی دیموکراتی کوردستانی ئێرانی لە سلێمانی دەستگیرکرد و دواتریش ڕادەستی ئێرانی کردووەتەوە کە بەپێی بەڵگەنامەکان مۆڵەتی فەرمی نیشتەجێبوونی لە هەرێمی کوردستان هەبووە.

 

ڕاگەیێنراوی فەرمی: ئەنجوومەنی ئاسایش ڕایگەیاندووە، یەکێتیی نیشتمانیی کوردستان بەهزاد خوسرەوی، ئەندامی حیزبی دیموکراتی کوردستانی ئێرانی بە ناوی ئاسایشی سلێمانی و بە فەرمانی سەرۆکی یەکێتی ڕادەستی کۆماری ئیسلامیی ئێران کردووە و ئەنجوومەنی ئاسایشی هەرێمی کوردستان ئاگاداری ئەم کارە نییە.

 

زانیاریی زیاتر: لە ڕاگەیێنراوەکەدا ئەنجوومەنی ئاسایشی گوتوویەتی: ماوەیەکە یەکێتیی نیشتمانیی کوردستان دامودەزگا حکومییەکانی سلێمانی بە بڕیاری حیزب بەڕێوە دەبات، دەزگا فەرمییەکانی هەرێمی کوردستان بەرپرسیار نین لە هەڵسوکەت و ڕەفتارە نایاساییەکانی سەرۆکی یەکێتی و دامودەزگاکانیان.