زانکۆی سەڵاحەدین هەلی خوێندنی بەخۆڕایی بۆ کەسوکاری شەهیدان دەڕەخسێنێت

ئاڤا نیوز

 

ساڵانە چەندین قوتابی بەمەبەستی درێژەدان بەخوێندنی ئەکادیمی، ڕوو لە زانکۆی زانکۆی سەڵاحەدین لە هەولێر دەکەن.

 

وێنە گەورەکە: بەپێی ڕێنمایی تایبەتی وەزارەتی خوێندنی باڵا و توێژینەوەی زانستی، کەسوکاری نزیکی شەهیدان لەسەرجەم زانکۆ و پەیمانگاکانی سەربە وەزارەت لە خەرجی و کرێی خوێندن دەبەخشرێن.

 

لێدوانی فەرمی: دکتۆر ئازاد عەزیز بەڕێوەبەری خوێندنی باڵا و کاروباری زانستی لە سەرۆکایەتی زانکۆی سەڵاحەدین بە ئاڤا نیوزی ڕاگەیاند: زانکۆکەیان لە ساڵی خوێندنی 2023 - 2024 لە زۆربەی بەشە زانستییەکان و کۆلێژەکان، زیاتر لە 130 کورسی خوێندنی بەخۆڕایی بۆ خوێندنی باڵا، دکتۆرا - ماستەر - دبلۆمی باڵا، بۆ کچ و کوڕی شەهیدان دابینکردووە.

 

زانیاریی زیاتر: خوێندنی بەخۆڕایی لە زانکۆ و پەیمانگەکان بۆ کەسوکاری نزیکی شەهیدان، تەنها کەسی پلە یەکی شەهید دەگرێتەوە، واتە دایک و باوک، کچ و کوڕی شەهید.