ئاڤا نیوز
مەلا بەختیار لەبارەی دەستبەسەرداگرتنی میوانخانە و دەزگاکەی لەلایەن هێزی کۆماندۆی یەکێتییەوە هۆشداری بە بافڵ تاڵەبانی دەدات و ڕایدەگەیێنێت، سەدان کەسی لەگەڵە و قبوڵی ناکات. دەشڵێت: " بەرەیەکی فراوان دروستدەکەین بۆ ئەوەی ئەو پەلاماردانە بووەستێنین، چونکە ئەمە ڕیسواییە و مام جەلال لە گۆڕ ڕادەچڵەکێنێت".
پەیامی فەرمی: مەلا بەختیار، سەرۆکی دەزگای چاودێر، دوای دەستبەسەرداگرتنی دەزگاکەی لەلایەن هێزێکی کۆماندۆی یەکێتییەوە، لە پەیامێکی ڤیدیۆیی 18 خولەکیدا ڕایگەیاند: بافڵ تاڵەبانی دەیەوێ بچێتە سەر ماڵەکەم لە خانەقین و داگیری بکات. کوڕانی مام جەلال بە کودەتا و نەخشە و پیلان دەسەڵاتیان گرتووەتە دەست، ناکرێ قاچیان درێژ بکەن و گوێ بە هیچ بەهایەک نەدەن، ئەگەر ئەو تاوانە بکرێت بێدەنگ نابم و سەدان کەسم لەگەڵە.
زانیاریی زیاتر: مەلا بەختیار لە پەیامە ڤیدیۆیەکەیدا باسی دانیشتنێکی چەند ساڵ لەمەوبەری لەگەڵ كۆسرەت ڕەسووڵ دەکات و دەڵێت: "پێمگوت یەكێتی لە لێوارێكی ترسناكدایە، بە هێزی چەكدار ئەم یەكێتییە ناپارێزرێت، یەكێتی بەرەو پووكانەوە و نەمانی هەموو جیاوازییە ئایدۆلۆژی و سیاسی و كۆمەڵایەتی و چینایەتییەكان لەگەڵ هەموو لایەنە سیاسییەكان دەڕوات. بەداخەوە ئێستا شەڕەجنێو گەیشتووەتە ئاستێک کە ترسناک و شەرمەزارییە، بازرگانیكردن بە جنێو و موزایەدەكردن بە قووڵكردنەوەی ناكۆكییەكان، بووە بە بێزراوترین جۆری سیاسەتی ئێستا".
قووڵتر: سەرۆکی دەزگای چاودێر لە بەشێکی دیکەی پەیامەکەی دەڵێت: ناوەستین، دڵنیابن ئەمە ڕیسوابوونێکی گەورەیە، هەڵتەکاندنی هەموو بنەماکانی ئەخلاقی سیاسییە، دڵنیابن ئەمە مام جەلال لە گۆڕ ڕادەچڵەکێنێت و ئەمە هەڵدانەوەی هەموو قەتماخەی برینەکانە. ئەوەشی گوت، "تا ئەم چركەساتەی كە من قسەی تێدا دەكەم، یەكێتییەكی راستەقینەم و هەموو ئەم درۆیانە شەرمەزار دەكەم كە پەنجەی تۆمەت دروست دەكەن گوایە لەژێر كاریگەریی ئەملا و ئەولاین، چۆن دەبێت ئەوەندە درۆزن بن؟ چۆن دەبێ درۆ و بوختان هەڵبەستن خۆتان بەهێز بكەن؟".
ئەوەی پێویستە بیزانیت: مەلا بەختیار، سەرۆکی دەزگای ڕۆشنگەری چاودێرە کە باڵەخانەکەی لە گردی ئەندازیارانی سلێمانییە، نزیکەی 10 ماڵپەڕ و ڕادیۆ و پلاتفۆڕمی ڕۆشنبیری تێدایە، ئەمە جگە لە کتێبخانەیەک بە زیاتر لە 10 هەزار سەرچاوەوە.
باکگراوند: کاتژمێر 5ی ئێوارەی ئەمڕۆ پێنجشەممە، هێزێكی کۆماندۆ دەستیانگرت بەسەر باڵەخانەی دەزگای چاودێر و پاسەوانەکانیان ناردەوە بۆ ماڵ و بەگوتەی سەرچاوەیەک لە دامەزراوەکە کە بۆ ئاڤا نیوز قسەیکردبوو، هێزەکە هەموو دەرگا داخراو و پەنجەرە و کامێراکانی چاودێریان شکاندووە. هەر ئەمڕۆ هێزێکی کۆماندۆ لە خانەقین هەڵیانکوتایە سەر میوانخانەی مەلا بەختیار و بە هەمانشێوە دەستیان بەسەردا گرت.
زیاتر لەسەر ئەم بابەتانە بکۆڵەرەوە
ئاڤا دیجیتاڵ
Editor
دوایین هەواڵەکان
- بزنس
- 9 خولەک لەمەوپێش
بانکی ناوەندیی عێراق فرۆشتنی دۆلاری دەستپێکردەوە
- کوردستان
- 1 کاتژمێر لەمەوپێش
جموجۆڵەکانی چەکدارانی داعش لە سنووری کەرکووک لە زیادبوونە
- عێراق
- 1 کاتژمێر لەمەوپێش
مەندەلاوی سەرۆکایەتی کۆبوونەوەی لیژنەی ماددەی 140 دەکات
- جیهان
- 1 کاتژمێر لەمەوپێش
سویسرا بە باشترین وڵاتی جیهان دەستنیشان دەکرێت
- تەندروستی
- 1 کاتژمێر لەمەوپێش
جۆرێکی نوێی ڤایرۆسی کۆرۆنا بڵاودەبێتەوە
هەڵبژاردەکان بۆ تۆ
سویسرا بە باشترین وڵاتی جیهان دەستنیشان دەکرێت
1 کاتژمێر لەمەوپێش
گەشتکردن پڕۆسەی پیربوون دوادەخات
10 کاتژمێر لەمەوپێش
بەردێکی دەگمەن بەهاکەی زیاتر لە یەک ملیۆن دۆلارە
15 ئەیلوول
ئەو خواردن و خواردنەوانەی ڕەنگی ددانەکان دەگۆڕن
15 ئەیلوول
یەکێتی فەرمانگە حکومییەکان بۆ بانگەشەی هەڵبژاردن بەکاردەهێنێت
15 ئەیلوول
- کوردستان
- 1 کاتژمێر لەمەوپێش
جموجۆڵەکانی چەکدارانی داعش لە سنووری کەرکووک لە زیادبوونە
- کوردستان
- 1 کاتژمێر لەمەوپێش
کێشەی فاکەڵتی پزیشکی زانکۆی کۆیە چارەسەر دەکرێت
- کوردستان
- 1 کاتژمێر لەمەوپێش
تەنیا لە ڕۆژێکدا 60 تۆن زبڵ و پاشماوە لە هەولێر کۆدەکرێتەوە
- کوردستان
- 2 کاتژمێر لەمەوپێش
شوێنەواری دایناسۆرێک لە سلێمانی دەدۆزرێتەوە
- کوردستان
- 2 کاتژمێر لەمەوپێش
زیاتر لە دوو هەزار عومرەکاری کورد لە سعودیە گیریان خواردووە
- کوردستان
- 4 کاتژمێر لەمەوپێش
هەڕەشەکردن بە مۆبایل و تاوانی ئەلیکترۆنی ڕوویان لە زیادبوونە
- کوردستان
- 5 کاتژمێر لەمەوپێش
گۆڕان هەڵبژاردنی ڕێکخەری گشتی بۆ دوای هەڵژاردن دوادەخات