وێنەی 25 هەزار دیناری عێراقی و لۆگۆی وەزارەتی کاروباری شەهیدان و ئەنفالکراوان، گرافیک، ئاڤا نیوز
ئاڤا نیوز
دوای ئەوەی خانەنشینانی شارستانی لە هەرێمی كوردستان یەكەم مووچەیان بە هاوتاكراوی وەرگرت، هەوڵەكان بۆ هاوتاكردنی مووچەی زیندانیانی سیاسی چڕتر دەكرێنەوە.
وێنە گەورەكە: وەزارەتی شەهیدان و كاروباری ئەنفالكراوانی هەرێمی كوردستان لەگەڵ دەزگای زیندانیانی سیاسیی عێراق لەهەوڵدایە بۆ هاوتاكردنی مووچەی زیندانیانی سیاسی لە هەرێمی كوردستان. بەپێی ئامارە نافەرمییەکان ژمارەیان 25 هەزارە و زۆرینەیان ڕزگاربووانی شاڵاوی ئەنفالن، هەوڵەكانیش لەم چەند ڕۆژە چڕتر بوونەتەوە.
زانیاریی بەدەستهاتوو: بەپێی بەدواداچوونی ئاڤا نیوز، مووچە و ئیمتیازی زیندانیانی سیاسی لە عێراق بەراورد بە هەرێمی كوردستان زیاترە، لە ئەگەری زیادبوون و هاوتاكردنی، مووچەیان لە هەرێمی كوردستان نزیكەی سێ هێندەی ئێستا زیاد دەبێت. ئێستا مووچەی هەر زیندانییەكی سیاسی لە هەرێمی كوردستان 500 هەزار دینارە، بەهاوتاكردنی دەبێتە ملیۆنێك و 200 بۆ ملیۆنێك و 400 هەزار دینار.
لێدوانی فەرمی: د.ناڤسەر نووری، بریكاری وەزارەتی شەهیدان و كاروباری ئەنفالكراوان بە ئاڤا نیوزی ڕاگەیاند: "هەوڵەكانمان بەردەوامە و وابڕیارە هەفتەی داهاتوو لەگەڵ دەزگای زیندانیانی سیاسیی عێراق كۆببینەوە و بەوردی بابەتەكە تاوتوێ بكەین".
زیانە سەرەکییەکان: بریكاری وەزارەتی شەهیدان باسی لەوە کرد؛ وەزارەتەكەیان ئامادەكاری و وردبینی تەواوی بابەتەكەی كردووە، گەیشتوونەتە ئەو ئەنجامەكەی بە جێبەجێكردنی ئەو یاسایەی عێراق كاری پێدەكات، بەشێك لە زیندانیانی سیاسیی هەرێمی كوردستان زەرەمەند دەبن، چونكە یاساكە ئەو كەسانە دەگرێتەوە كە لەدوای ساڵی 1968ەوە زیندانیكراون، بەڵام لە هەرێمی كوردستان پێش ئەو وادەیەش زیندانیی سیاسیی هەیە، بەتایبەت لەنێوان ساڵانی 1961 تاوەكو 1968.
چارەسەرەکان: پێویستە ئەم بابەتە بە گفتوگۆ چارەسەر بكرێت و حکومەتی هەرێمی کوردستان هەموو هەوڵێک لەمڕووەوە دەدات. د.ناڤسەر نووری پێشبینی دەکات دەزگای زیندانیانی سیاسیی عێراق بڕیارێك بدات بۆ ئەوەی زیندانیانی ئەو ساڵانەش سوودمەند بن.
بۆچی گرنگە: مووچەی زیندانیانی سیاسی وەك مینحە دەدرێت و لە هەرێمی كوردستان ئەو مینحەیە تەنیا بۆ 10 ساڵە، بەڵام لە عێراق 25 ساڵە. هاوكات لە عێراق زیندانیانی سیاسی چەند منداڵێكیان دەتوانن بێبەرامبەر لە زانكۆ تایبەتەکان بخوێنن، بەڵام لە هەرێمی كوردستان تەنیا یەك منداڵ دەگرێتەوە.
گۆشهیهكی دیكه: هاوكات لەگەڵ هەوڵەكانی وەزارەتی شەهیدان، لە پەرلەمانی عێراقیش هەوڵەكان بۆ هەمواركردنەوەی دووەمی یاسای ژمارە 4ی 2006ی دەزگای زیندانیانی سیاسی بەردەوامە، لەماوەی ڕابردوودا دانیشتنی یەكەمی بۆ كراوە و گفتوگۆی فراكسیۆن و لیژنە تایبەتەكان سەبارەت بە ناوەڕۆكی هەموارەكە بەردەوامە، بەپێی یاساكە زیندانیانی هەرێمی كوردستانیش لەمەودوا لە بڕیارەكانی حكومەتی عێراق سوودمەند دەبن.
لەلایەكی دیكەوە: بەپێی یاسای ژمارە 11ی ساڵی 2011 لە هەرێمی كوردستان، ئەگەر زیندانییەكە ساڵێک زیندانی كرابێت 500 هەزار دینار وەردەگرێت، بۆ هەر ساڵێک زیاتر 50 هەزار دینار دەچێتە سەر مووچەکەی، ئەو زیندانییەی لە ساڵێک کەمتر و لە شەش مانگ زیاتر زیندانی بووبێ، مووچەکەی 250 هەزار دینارە، ئەو كەسەشی لە شەش مانگ کەمتر زیندانی بووبێ، مووچەی مانگانەی نابێت، تەنیا جارێک بۆ هەر مانگێک 500 هەزار دیناری پێدەدرێت.
زیاتر لەسەر ئەم بابەتانە بکۆڵەرەوە
دوایین هەواڵەکان
- بزنس
- 10 خولەک لەمەوپێش
بانکی ناوەندیی عێراق فرۆشتنی دۆلاری دەستپێکردەوە
- کوردستان
- 1 کاتژمێر لەمەوپێش
جموجۆڵەکانی چەکدارانی داعش لە سنووری کەرکووک لە زیادبوونە
- عێراق
- 1 کاتژمێر لەمەوپێش
مەندەلاوی سەرۆکایەتی کۆبوونەوەی لیژنەی ماددەی 140 دەکات
- جیهان
- 1 کاتژمێر لەمەوپێش
سویسرا بە باشترین وڵاتی جیهان دەستنیشان دەکرێت
- تەندروستی
- 1 کاتژمێر لەمەوپێش
جۆرێکی نوێی ڤایرۆسی کۆرۆنا بڵاودەبێتەوە
هەڵبژاردەکان بۆ تۆ
سویسرا بە باشترین وڵاتی جیهان دەستنیشان دەکرێت
1 کاتژمێر لەمەوپێش
گەشتکردن پڕۆسەی پیربوون دوادەخات
10 کاتژمێر لەمەوپێش
بەردێکی دەگمەن بەهاکەی زیاتر لە یەک ملیۆن دۆلارە
15 ئەیلوول
ئەو خواردن و خواردنەوانەی ڕەنگی ددانەکان دەگۆڕن
15 ئەیلوول
یەکێتی فەرمانگە حکومییەکان بۆ بانگەشەی هەڵبژاردن بەکاردەهێنێت
15 ئەیلوول
- بزنس
- 10 خولەک لەمەوپێش
بانکی ناوەندیی عێراق فرۆشتنی دۆلاری دەستپێکردەوە
- بزنس
- 2 کاتژمێر لەمەوپێش
بۆ بڕینەوەی مووچە ناوی 205 هەزار کەس بۆ بەغدا دەنێردرێت
- بزنس
- 8 کاتژمێر لەمەوپێش
ئاڤا نیوز وادەی وەرگرتنی یەکەم مووچەی مامۆستایانی گرێبەست ئاشکرا دەکات
- بزنس
- 8 کاتژمێر لەمەوپێش
فەرمانی دامەزراندنی مامۆستایانی وانەبێژ واژۆ کرا
- بزنس
- 13 کاتژمێر لەمەوپێش
ئەمڕۆ مامۆستایانی وانەبێژ دەکرێنە گرێبەست
- بزنس
- 23 کاتژمێر لەمەوپێش
هاوتاكردنی مووچەی زیندانیانی سیاسی و كەسوكاری شەهیدان بەکوێ گەیشتووە؟