یەکێتیی سەندیکاکانی عێراق داوای سزادانی هێرشکارانی سەر خۆپیشاندەران دەکات

ئاڤا نیوز

یەکێتیی سەندیکا پیشەییەکانی عێراق هێرشکردنە سەر خۆپیشاندەرانی بەغدا سەرکۆنە دەکات و داوا دەکات ڕێکارێکی گونجاو بۆ دامەزراندنی فەرمانبەران لە کەرتی گشتی دابنرێت.

چیرۆکی سەرەکی: لە خۆپێشاندانی دوێنێی دەرچووانی بەشە پزیشکی و تەندروستییەکان لە ناوچەی سەوزی بەغدا، لەلایەن هێزە ئەمنییەکانەوە توندوتیژییان بەرامبەرکرا و بە دەیان خۆپیشاندەر برینداربوون.

ڕاگەیێنراوی فەرمی: یەکێتیی سەندیکا پیشەییەکانی عێراق لە کاردانەوەی هێرشکردنە سەر دەرچووانی بەشە پزیشکی و تەندروستییەکان ڕاگەیێنراوێکی بڵاوکردەوە، دەرچووان لە سیاسەتە هەڵەکانی حکومەتەکان بەرپرس نین، بۆیە داوا دەکەن بڕیاری سەرۆکوەزیران بۆ سزادانی ئەوانەی هێرشیان کردە سەر خۆپێشاندەران وەک خۆی جێبەجێ بکرێت.

زانیاریی زیاتر: داوا دەکات بە هەماهەنگی سەندیکا پیشەییەکان ڕێکارێکی گونجاو بۆ دامەزراندنی فەرمانبەران دابنرێت، هاوکات تیمێکی بەدواداچوون بۆ لێپرسینەوە لەو ئەفسەرانە پێکدەهێنێت کە هێرشیان کردە سەر خۆپێشاندەران.