جۆن كێربی: زۆر نزیكین لە تەواوكردنی ئاگربەست لە غەززە

ئاڤا نیوز

 

گوته‌بێژی ئه‌نجوومه‌نی ئاسایشی نه‌ته‌وه‌یی ئه‌مه‌ریكا دەڵێت، زۆر نزیکن لەوەی ئاگربەست لە نێوان حەماس و ئیسرائیل ڕابگەیێنن. 

 

وێنە گەورەكە: دوای کوژرانی شەش بارمتەی ئیسرائیلی لە غەززە، گفتوگۆکانی ئاگربەست سستی بەخۆیەوە بینی، ئەمریکا کار بۆ نەهێشتنی ئەو سستییە دەدات بۆ ئەوەی حەماس و ئیسرائیل ڕێکبکەون. 

 

لێدوانی فەرمی: جۆن كێربی ڕاگەیاند: ڕاستگۆین كاتێک دەڵێین زۆر نزیكین لە تەواوكردنی ڕەشنووسی ئاگربەستی غەززە، ئێستا كاردەكەین بۆئەوەی زمانێكی گونجاو بدۆزینەوە بۆ تەواوكردنی ڕێككەوتنی غەززە، توانیومانە كەلێنەكان نێو ڕێككەوتنی غەززە كەم بكەینەوە.

 

ئەمەش بزانە: هەریەكە لە قەتەر، میسر، ئەمریكا كاردەكەن بۆ ڕاگەیاندنی ئاگربەستی نێوان ئیسرائیل و حەماس، تا ئێستا چەندین جار لە قەتەر و میسر دانیشتن و گفتوگۆ لەسەر ئەو پرسە كراوە بەڵام نەگەیشتوونەتە ڕێککەوتن.