هێزەکانی ئەمریکا 15 چەکداری داعش لە عێراق دەکوژن

ئاڤا نیوز

 

لە ئۆپەراسیۆنێکی هاوبەشی نێوان هێزەکانی عێراق و ئەمریکا، 15 چەکداری داعش کوژران و حەوت سەربازی ئەمریکاش برینداربوون.

 

وێنە گەورەکە: لە سەرەتای دروستبوونییەوە تاوەکو ئێستا داعش هەڕەشەیەکی گەورەیە بۆ جیهان، ئەمریکا سەرکردایەتی هاوپەیمانییەتی نێودەوڵەتی دژی ئەم گروپە دەکات، 2500 سەربازی لە عێراق و 900 سەربازیشی لە سووریا جێگیرکردووە. 

 

ڕاگەیێنراوی فەرمی: فەرماندەی هێزەکانی ناوەندی ئەمریکا سێنتکۆم، لە پلاتفۆرمی ئێکسدا بڵاویکردەوە؛ لە ئۆپەراسیۆنێکی هاوبەشدا لەگەڵ هێزەکانی عێراق لە ڕۆژئاوای وڵاتەکە، توانیان 15 چەکداری داعش بکوژن. 

 

زانیاریی زیاتر: ئۆپەراسیۆنەکە لە کاتێکدایە کە ماوەی چەند مانگێکە هێزەکانی ئەمریکا و عێراق لەبارەی پرسی چوونە دەرەوەی هێزەکانی ئەمریکا لە عێراق لە گفتوگۆدان.