لە دوو ڕۆژدا لە غەززە 89 كەس كوژراون

ئاڤا نیوز

لە ماوەی دوو ڕۆژدا لە كەرتی غەززە 89 كەس كوژراون، 205 برینداریش ڕەوانەی نەخۆشخانەكان كراون.

وێنە گەورەكە: ئاڵۆزی و پێكدادانەكان لە كەرتی غەززە چڕتر بوونەتەوە، تادێت بۆردوومان زیاتر دەبێت، لە دوو ڕۆژی ڕابردوودا چەندین كەس كوژراون و برینداربوون، دەیان باڵەخانەش تێكچوون.

لێدوانی فەرمی: وەزارەتی تەندروستی غەززە ڕایگەیاند:"لە دوو ڕۆژدا دەیان بریندار ڕەوانەی نەخۆشخانەكان كراون و تیمەكانیان بەردەوامن لە چارەسەركردنی تەندروستی و پێدانی دەرمان و تیماركردنی بریندارەكان".

ژمارەكان وادەڵێن: ژمارەی گیانلەدەستدان لە كەرتی غەززە گەیشتە 40 هەزار و691 كەس و 94 هەزار و 60 كەسیش برینداربوون.

ئەمەش بزانە: لە سەرەتای شەڕەوە لە كەرتی غەززە، 892 سەربازی ئیسرائیل كوژراون.