ژمارەیەک چەکداری داعش لە سەڵاحەدین دەستگیرکران

ئاڤا نیوز 

 

ئەمڕۆ هەینی، ئاژانسی هەواڵگری و لێكۆڵینەوەی فیدراڵیی عێراق، دەستگیركردنی چەند چەکدارێكی داعشی لە پارێزگای سەڵاحەدین ڕاگەیاند.

 

بۆچی گرنگه‌: جوڵەی شانە نوستووەکانی چەکدارانی داعش لە عێراق هەڕەشەی بەردەوامە بۆ سەر ئاسایش و سەقامگیری وڵات، بەو هۆیەوە هێزە ئەمنییەکان بەردەوامن لە دەستگیرکردن و بە ئامانجگرتنیان.

 

ڕاگەیێنراوی فەرمی: ئاژانسی هەواڵگری و لێكۆڵینەوەی فیدراڵیی عێراق ڕایدەگەیەنێت: به‌پێى چه‌ند زانيارييه‌كى‌ هه‌واڵگرى، هێزەکانی دژەتیرۆر لە پارێزگای سەڵاحەدین چوار تیرۆریستی داعش-یان دەستگیرکرد .

 

زانیاری زیاتر: ئاژانسەكە ئاماژەی بەوەشکرد، دەستگیراوەكان لە دیوانی بەناو "حیسبە" لەپارێزگای سەلاحەدین كاردەكەن و چەندین كردەوەی تیرۆریستیان لەهەردوو ناوچەی نەباعی و بێجی ئەنجامداوە.