پەیڕەوی نێوخۆی ئەنجوومەنی پارێزگای کەرکووک هەموار دەکرێتەوە

ئاڤا نیوز

ئەنجوومەنی پارێزگای کەرکووک، ئامادەكاری بۆ گۆڕینی پەیڕەوی نێوخۆی دەکات و لە ماوەی دوو هەفتەدا تەواو دەبێت.

وێنە گەورەکە: پەیڕەوی نێوخۆی ئەنجوومەنی پارێزگای کەرکووک لە 76 ماددە پێکدێت، لە ماوەی 21 ساڵدا تەنیا یەکجار هەموار کراوەتەوە، پەیڕەوی نێوخۆ پەیوەستە بە کاروبارە نێوخۆییەکانی ئەنجوومەن، دانانی هەیکەلیەتی لیژنەکانیان و دەسەڵاتەکانیان.

لێدوانی فەرمی: پەروین فاتیح، ئەندامی ئەنجوومەنی پارێزگای کەرکووک بە ئاڤا نیوزی گوت: "لەگەڵ پێکهێنانی هەر ئەنجوومەنێکی نوێی پارێزگا، دەبێت پەیڕەوی نێوخۆ هەموار بکرێتەوە، لە ئێستادا 30 پسپۆڕ کە هەڵگری بڕوانامەی دکتۆران و لە هەرسێ پێکهاتەکە هەڵبژیردراون لە ماوەی دوو هەفتە کارەکانیان تەواو دەبن."

زانیاریی زیاتر: ئەو ئەندامەی ئەنجوومەنی پارێزگای کەرکووک ئاماژەی بەوەشدا، "ماددەکان کەمدەکرێنەوە و بەشێکی دیکەیان پێویستیان بە هەموارکردنەوە هەیە و دەگۆڕدرێن."