ترەمپ: هێزەکانی ئەمریکا بە بڕیاری هاریس لە ئەفغانستان کشانەوە

ئاڤا نیوز

 

لە سێیەم ساڵیادی تەقەینەوەکەی فڕۆکەخانەی کەرزای لە ئەفغانستان، کە بووە هۆی کوژرانی 13 سەربازی ئەمریکا، دۆناڵد ترەمپ (کەمالا هاریس) بە بڕیاردەری سەرەکی کشانەوەی هێزەکانی ئەمریکا لە ئەفغانستان دەزانێت. 

وێنە گەورەکە: دوای شەڕێکی بیست ساڵە و مانەوە لە ئەفغانستان، پلانی کشانەوەی هێزەکانی ئەمریکا لە ساڵی 2020 لەلایەن ترەمپەوە دانرا و دواتر لەلایەن بایدنەوە جێبەجێ کرا. 

 

ڕاگەیێنراوی فەرمی: ترەمپ لە پۆستێکدا لە ماڵپەڕی تروس سۆشیال سەبارەت بە کشانەوەی هێزەکان گوتی: "قێزەونترین کردەوەی مێژووی وڵاتمانە، هاریس دوایین کەس بوو لە ژووری کۆبوونەوە لەگەڵ بایدن دەرچوو و بایدنی ڕازی کرد بڕیار لە کشانەوەی هێزەکان بدات لە ئەفغانستان." 

 

بۆچوونی  بەرامبەر: لەمبارەیەوە هاریس پێشتر گوتبووی: "ئەوە بڕیارێکی بوێرانەی بایدن بوو، کە کۆتایی بەم شەڕە بێپایانە هێنا و دەتوانین تیرۆریستەکانی داعش و قاعیدە لەناو ببەین."