ماڵپەڕی پەرلەمانی ئێران هاک دەکرێت

ئاڤا نیوز

 

ماڵپەڕ، سێرڤەر و سیستەمی دەنگدانی ئەلکترۆنیی ئەنجوومەنی شوورای ئیسلامیی ئێران هاککراوە؛ ڕێگە بە رۆژنامەنووسان نەدراوە بچنە ناو باڵەخانەکەوە.

 

وێنە گەورەکە: هێرشی ئەلکترۆنی کراوەتە سەر ماڵپەڕی ئەنجوومەنی شوورای ئیسلامیی ئێران کە رۆڵی پەرلەمان لەو وڵاتەدا دەبینێت؛ هێرشەکە لەلایەن گرووپێکی سایبەرییەوە کراوە کە ناویان لەخۆیانناوە "سەرهەڵدان تاوەکو ڕووخاندن"، لە رێکخراوی موجاهیدینی خەلقەوە نزیکن.

 

چی ڕوویدا؟ موجاهیدینی خەلق، ڕێکخراوێکی نەیاری کۆماری ئیسلامیی ئێرانە و بارەگای سەرەکی لە ئەلبانیایە. دوای هاککردنی ماڵپەڕە، هاککەرەکان وێنەی ڕێبەرانی موجاهیدینیان لەسەر ماڵپەڕەکە داناوە و هەندێک بەڵگەنامەی تایبەت بە ئەندامانی پەرلەمانیشیان بڵاوکردەوە.

 

ڕاگەیێنراوی فەرمی: لەبارەی ئەم هێرشەوە بەڕێوەبەرایەتیی ڕاگەیاندنی ئەنجوومەنی شوورای ئیسلامیی ئێران ڕایگەیاند: "کێشە لە سیستەمی ئەلکترۆنی، کۆمپیۆتەر و ئینتەرنێت ڕوویداوە و بۆیە رێگە بە رۆژنامەنوسان نەدراوە بچنە ناو باڵەخانەی ئەنجوومەنەکەوە".