سەردانیکارانی چلە لەمساڵدا 21 ملیۆن زیارەتکار تێدەپەڕێنێت

ئاڤا نیوز

 

ئەمساڵ بۆ بەشداریکردن لە چلەی ئیمامی حوسێن، زیاتر لە 21 ملیۆن زیارەتکار سەردانی پارێزگای کەربەلایان لە باشووری عێراق کردووە.

 

وێنە گەورەکە: ساڵانە بەبۆنەی چلەی "شەهیدکردنی" ئیمام حوسێن ملیۆنان زیارەتکاری عێراقی و بیانی سەردانی مەزارگەی ئیمام حوسێن لە شاری کەربەلا و مەزارگەی ئیمامی عەلی لە شاری نەجەف دەکەن، بۆ ئەو مەبەستەش سەرجەم دامودەزگا ئەمنی و خزمەتگوزارییەکانی عێراق بە تەواوی دەکەونە ئامادەباشییەوە.

 

ڕاگەیێنراوی فەرمی: دامەزراوەی عەتەبەی عەباسی سەر بە دیوانی وەقفی شیعی بڵاوی کردەوە، تاوەکو کاتژمێر 12:00ـی نیوەڕۆی ئەمڕۆ، 21 ملیۆن و 480 هەزار و 525 زیارەتکار سەردانی پارێزگای کەربەلایان کردووە.

 

ژمارەکان وادەڵێن: ساڵی ڕابردوو 22 ملیۆن و  19 هەزار و 146 زیارەتکار سەردانی کەربەلایان کردبوو، بەو پێیەش ئەمساڵ ژمارەی هاتنی زیارەتکاران بۆ پارێزگاکە کەمی کردووە.