زیارەتکارانی چلەی ئیمام حوسێن دەگەڕێنرێنەوە

ئاڤا نیوز

 

دوای کۆتاییهاتنی ڕێوڕەسمی چلەی ئیمامی حوسێن لە کەربەلا، لە دوانیوەڕۆی ئەمڕۆوە گواستنەوەی پێچەوانەی زیارەتکاران دەستیپێکردووە.

 

وێنە گەورەکە: ئەمساڵ بۆ بەشداریکردن لە چلەی ئیمامی حوسێن، زیاتر لە 21 ملیۆن زیارەتکار سەردانی پارێزگای کەربەلایان لە باشووری عێراق کردووە.

 

لێدوانی فەرمی: موحیبس سەعداوی، وەزیری گواستنەوەی عێراق ڕایگەیاند، لە کاتژمێر 03:00ـی دوانیوەڕۆی ئەمڕۆوە، لە ڕێگەی 600 پاس و 16 شەمەندەفەرەوە، پڕۆسەی گواستنەوەی پێچەوانەی زیارەتکاران لە کەربەلاوە دەستیپێکردووە.

 

زانیاریی زیاتر: وەزیری گواستنەوە جەختیش دەکاتەوە کە پڕۆسەی گواستنەوەی پێچەوانەی زیارەتکاران بەشێوەیەکی ڕێک و پێک بەڕێوەدەچێت، بۆ ئەو مەبەستەش هەماهەنگییان لەگەڵ وەزارەتەکانی دیکەدا هەیە.