ڕووسیا نۆ درۆنی ئۆكراینای لە دەریای ڕەش خستەخوارەوە

ئاڤا نیوز

 

لە یەک شەودا سوپای ڕووسیا بەرپەرچی هێرشی نۆ فڕۆكەی بێفڕۆكەوانی ئۆكراینای لە دەریای ڕەش دایەوە و هەمووی خستووەتەخوارەوە.

 

وێنەگەورەكە: ئاڵۆزییەكانی نێوان ڕووسیا و ئۆکراینا لە دەریای ڕەش بەردەوامن، بە مووشەک و درۆن ڕووبەڕووی یەکتردەبنەوە، شەوی ڕابردوو شەڕێكی ئاڵۆز و تووند هەبوو، ئۆكراینا دەیان درۆنی لە دەریادا بەكارهێناوە بۆ هێرشكردنە سەر ڕووسیا، ئەو وڵاتەش دەڵێت: بەشێكی زۆر لە درۆنەكان كۆنترۆڵكراون.

 

لێدوانی فەرمی: وەزارەتی بەرگریی ڕووسیا لەمبارەیەوە ڕایگەیاند: سیستمی بەرگریی ئاسمانی ڕووسیا، نۆ فڕۆكەی بێفڕۆكەوانی ئۆكراینایان لە چەند ناوچەیەكی جیاواز لە دەریای ڕەش خستووەتەخوارەوە.

 

باکگراوند: لە سەرەتای شەڕی نێوان ڕووسیا و ئۆكراینا، لە شوباتی 2022، خاكی ڕووسیا لە لایەن ئۆكرایناوە بەدرۆن بۆردوومان كراوە و بەشێك لە شەڕەكە لە دەریای ڕەشە، هەردوولا یەكتری بۆردوومان دەكەن.