حکومەتی هەرێمی کوردستان خزمەتگوزاریی پزیشکی بۆ زیارەتکاران دابین دەکات

ئاڤا نیوز

 

ماوەی 10 ڕۆژە تیمە تەندروستییەکانی هەرێمی کوردستان، خزمەتگوزاریی تەندروستی پێشکەشی زیارەتکارانی ئێران دەکەن، تاوەکو ئێستاش هیچ گیانلەدەستدانێک لە هەولێر تۆمار نەکراوە.

 

وێنە گەورەکە: ڕۆژی یەکشەممە بە بەشداری ملیۆنان زیارەتکاری شیعە، چلەی ماتەمینی ئیمام حوسێن لە کەربەلا بەڕێوەدەچێت، ئەمساڵ سێیەم ساڵە زیارەتکارانی ئێرانی لە هەولێرەوە بەشداری ئەم ڕێوڕەسمە ئایینییە دەکەن.

 

لێدوانی فەرمی: عەلی حەمەد، کارمەندی تیمی کردە پزیشکییەکان ئەمەی بە ئاڤا نیوز گوت: سێ تیمی خێرای 122ـی بەشی کردە پزیشکییەکانی فەرمانگەی تەندروستیی هەولێر، ڕۆژانە چارەسەری تەندروستی بۆ نزیکەی 150 زیارەتکار دەکەن.

 

لە لایەکی دیکەوە: نەسڕوڵڵا ڕەشنوودی، کۆنسوڵی گشتیی ئێران لە هەولێر بە ئاڤا نیوزی ڕاگەیاند: هەماهەنگی و پێشکەشکردنی خزمەتگوزارییەکان لەلایەن حکومەتی هەرێمی کوردستان وایکردووە، زیارەتکاران مەرزی حاجی ئۆمەران و ڕێگای هەولێر هەڵبژێرن و بەئاسوودەی گەشتەکەیان بکەن.