بازرگانێكی ماددە هۆشبەرەکان بە كیلۆیەک كۆكاینەوە دەستگیر كرا

ئاڤا نیوز

بازرگانێكی ماددە هۆشبەرەكان لەکاتی هەوڵدان بۆ هێنانی کیلۆیەک کۆکاین بۆ هەرێمی کوردستان لەلایەن هێزە ئەمنییەکان دەستگیر کراوە.

لێدوانی فەرمی: نەقیب ئەركان، ئەفسەر لە بەڕێوەبەرایەتیی نەهێشتنی ماددە هۆشبەرەكان بە ئاڤا نیوزی گوت:” بازرگانەكە بەڕەچەڵەك فارسە و كیلۆیەك ماددەی كۆكاینی پێبووە، لەکاتی هەوڵدان بۆ هێنانە ناو خاكی هەرێمی كوردستان لەلایەن تیمەكانمانەوە دەستگیر كرا”.

زانیاری بەدەستهاتوو: بازرگانەکە لە ئۆپەراسیۆنێكی تایبەتی هەواڵگری لەلایەن هێزەكانی ئاسایش و دەزگای نەهێشتنی ماددە هۆشبەرەكان دەستگیر كراوە.