لە هەولێر ئامادەكاريی بۆ خۆپارێزيی لە كۆبوونەوەی ئاو دەكرێت

ئاڤا نیوز

‎بەهۆی هەر ئەگەرێكی نەخوازرا و مەترسی دروستبوونی كۆبوونەوەی ئاو سەرجەم فەرمانگە خزمەتگوزارییەكان و لایەنە پەیوەندیدارەكان، لە هەولێر خرانە حاڵەتی ئامادەباشيیەوە.

‎لێدوانی فەرمی: ئۆمێد خۆشناو، پارێزگاری هەولێر بە ئاڤا میدیای راگەیاند: ئەمڕۆ كۆبونەوەیەكمان لەگەڵ لایەنە پەیوەندیدارەكان كرد و لە ئەنجامدا گەیشتە ئەم بڕیارانە:-

‎یەكەم- سەرجەم قائیمقام و بەڕێوەبەری ناحییەكان ڕاسپێردران، هەریەك لە سنووری خۆی ژووری ئۆپەراسیۆن پێكبهێنێت.

‎دووەم- هەموو لایەنەكان ڕاسپێردران لەپاككردنەوەی ڕێرەی گیرانی مەنهۆلەكان، سەرجەم شار و سیتیەكانی هەولێر بەرپرسن لە  پاككردنەوەی ڕێرەوە ئاویيەكان.

‎سێیەم- سەرجەم لایەنەكان لە حاڵەتی ئامادەباشی دابن، بەرگری شارستانی، پۆلیسی هاتووچۆ، زێرەڤانی تەندروستيی.

‎چوارەم- هەریەكە و بەئاستی بەرپرسیاریەتی خۆی بەرپرسیارە لە دۆخەكە، تیمەكانی پاراستنی ڕێگا و بانی هەولێر، دابەشدەكرێن بەسەر ڕێگا گشتیی و سەرەكییەكان.

ئەوەی پێشبینی دەكرێت: لەماوەی دوو ڕۆژی داهاتوودا پێشبینیدەكرێت، ڕێژەیەكی زۆر    باران   ببارێت و مەترسی دروستبوونی كۆبوونەوەی ئاوی لێدەكرێت.