لە خورماڵ گەنجێک بە تەقەی هێزەکانی پاسەوانی سنووری عێراق کوژرا

ئاڤا نیوز 

 

گەنجێکی خەڵکی خورماڵ کە کۆڵبەر بووە لە دەروازەی سنووریی سیپە بەهۆی تەقەی هێزەکانی پاسەوانی سنووری عێراق  کوژرا.

 

چیرۆکی سەرەکی: گەنجێکی گوندی سەرگەتی سەر بە قەزای خورماڵ بەناوی ئارام خەلیل، لە کاتی کۆڵبەریدا لە دەروازەی سنووریی سیپە لەلایەن هێزەکانی پاسەوانی سنوورییەوە تەقەی لێکراوە و بەسەختی بریندار کراوە.

 

لێدوانی فەرمی: بەرزان عوسمان گوتەبێژی پۆلیسی هەڵەبجە ئەو هەواڵەی بۆ ئاراس ڕەفیق، پەیامنێری ئاڤا نیوز پشتڕاست کردەوە و ڕایگەیاند: ڕووداوەکە کاتژمێر هەشتی ئێوارەی ئەمڕۆ ڕووی داوە و گەنجەکە بە برینداری بۆ بنکەی تەندروستیی خورماڵ گواستراوەتەوە و دواتر گیانی لەدەست داوە. 

 

ئەوەی پێویستە بیزانیت: دەروازەی سنووریی سیپە دەروازەیەکی نافەرمییە و زۆرجار لەلایەن کۆڵبەرانەوە وەک ڕێگەیەکی پەڕینەوە بۆ سنوورەکانی ڕۆژهەڵاتی کوردستان بەکاردەهێنرێت.