دانووستانەکانی غەززە دەست پێدەکەنەوە

ئاڤا نیوز

دوای دوو ڕۆژگفتوگۆی بەردەوام، دانوستانەکانی غەززە لە دەوحە وەستان و بڕیارە لە چەند ڕۆژی داهاتوودا دەستپێبکەنەوە.

وێنە گەورەکە: ئەمریکا، میسر و قەتەر لە هەوڵی ئەوەدان لە گەڕی داهاتووی دانوستانەکاندا بگەنە ڕێککەوتنێک لە کۆتایی بە شەڕی نێوان ئیسرائیل و حەماس بهێنێت و بەردانی بارمتەکانی لێ بکەوێتەوە. 

لێدوانی فەرمی: جۆ بایدن، سەرۆکی ئەمریکا، ڕایگەیاند: لە ڕێککەوتن نزیکن، بەڵام هێشتا پێی نەگەیشتوون.

قووڵتر: پێشنیازی نوێی ئەمریکا بۆ ئاگربەست لەسەر بنەمای پێشنیازە کۆنەکانی خراوەتە ڕوو. 

لە لایەکی دیکەوە: بڕیارە ڕۆژی دووشەممە، بنیامین نەتانیاهۆ سەرۆکوەزیرانی ئیسرائیل، لەگەڵ ئەنتۆنی بلینکن وەزیری دەرەوەی ئەمریکا، کۆ ببێتەوە.