بانکی ناوەندی عێراق سه‌كۆیه‌كی ئەلیکترۆنی دامەزراند

ئاڤا نیوز

بانکی ناوەندیی عێراق دامەزراندنی سه‌كۆیه‌كی ئەلیکترۆنی بۆ وەرگرتنی سکاڵا ڕاگەیاند، بەڵێنی پێداچوونەوە بەسەرجەم سکاڵاکان لەماوەیەکی کورتدا دەدات.

ڕاگه‌یێنراوی فه‌رمی: بانکی ناوەندیی عێراق بڵاوی كرده‌وه‌: بەپشتبەستن بە یاسای بانكی ناوه‌ندیی عێراقی ژماره‌ 56ـی ساڵی 2004 وه‌ك ده‌زگایه‌كی تایبه‌تمه‌ند بڕیاری دامەزراندنی سەکۆیەکی ئەلیکترۆنی ڕاستەخۆی دا بەمەبەستی ئاسانكردنی ڕێكاره‌كانی حكومه‌ت له‌ڕێگه‌ی مامه‌ڵه‌ی دیجیتاڵەوە.

زانیاریی زیاتر: بانکی ناوەندی عێراق ئاماژەی بەوەشکردووە، لەگەڵ وەرگرتنی سکاڵاکە  بانکی ناوەندیی پەیوەستە بەوەی لەماوەی تەنیا پێنج ڕۆژدا وەڵامی سکاڵاکان بەفەرمی لەڕێگەی هەمان سەکۆوە بداتەوە.

باكگراوند: لە ساڵی 1947 بانکی نیشتمانی عێراق دامەزرا، لە ساڵی 1956 بوو بە بانکی ناوەندیی عێراق،  ئەرکی چاودێریکردنی مامەڵەی ئاڵوگۆڕی دراوی بیانی و سەرپەرشتیکردن و کۆنترۆڵکردنی سیستەمی بانکی پێسپێردراوە.