%30 ی وەزارەتەکان فۆڕمی وەرگرتنی زەوی فەرمانبەرانیان ئامادەکردووە

ئاڤا نیوز

لە کۆی 21 وەزارەتی حکومەتی هەرێمی کوردستان، شەش وەزارەت فۆڕمی وەرگرتنی زەوی فەرمانبەرانیان ئامادەکردووە و ڕەوانەی ئەنجوومەنی وەزیرانی دەکەن.

وێنە گەورەکە: 33 ڕۆژ ماوە بۆ تەواوبوونی وادەی وەرگرتنەوەی فۆڕمی دابەشکردنی بەسەر فەرمانبەران لە وەزارەتەکانیان و نزیکەی دوو مانگە ڕووپێوی زەوییەکان دەستیپێکردووە، %75ـی زەوییەکان لە پارێزگاکان ئامادەن بۆ دابەشکردن.

لێدوانی فەرمی: سەربەست مەولود، بەڕێوەبەری گشتیی کاروباری یاسایی لە وەزارەتی شارەوانی بە ئاڤا نیوزی گوت: "دوای گەڕاندنەوەی فۆڕمی فەرمانبەران لە وەزارەتی پەیوەست وردبینی بۆ ناوەکان دەکرێت، دواتر ڕەوانەی ئەنجوومەنی وەزیران دەکرێت و دوای ڕەزامەندی بۆ وەزارەتی شارەوانی و گەشتوگوزار دەنێردرێت."

باکگراوند: دوای 18 ساڵ پرۆسەی دابەشکردنی زەوی بەسەر فەرمانبەران دەستی پێکردووەتەوە، نزیکەی 200 هەزار کەس دەگرێتەوە و فەرمانبەرانی سنووری ماددەی 140 ـیش لێی سوودمەند دەبن.