لە نۆ ڕۆژدا عێراق پێشوازی لە 900 هەزار زیارەتکار کردووە

ئاڤا نیوز

لیژنەی باڵای ئەمنیی بۆ دەستەبەرکردنی زیارەتی چلەی ئیمام حوسێن ئاشکرایکرد، لە ماوەی نۆ ڕۆژدا پێشوازییان لە 900 هەزار زیارەتکار کردووە.

وێنه‌ گه‌وره‌كه‌: شیعەمەزهەبەکان 20ـی مانگی سه‌فه‌ر،‌ ئه‌مساڵ ده‌كاته‌ 25ــی ئابی 2024، یادی چله‌ی ماته‌مینی ئیمام حوسێن دەکەنەوە، ملیۆنان زیارەتكار سەردانی مەزارگەکەی دەکەن لە کەربەلا.

ڕاگەیێنراوی فەرمی: میقداد میری، گوتەبێژی لیژنەی باڵای ئاسایش بۆ دەستەبەرکردنی چلەی ماتەمینی ئیمام حوسێن ڕایگەیاند: لە پێنجی ئەم مانگەوە  تا ئێستا، نزیکەی 900 هەزار زیارەتکار لە سەرجەم دەروازە وشکانی و ئاسمانییەکانەوە هاتوونەتە نێو عێراقەوە.

زانیاریی زیاتر: پێشبینی دەکرێت ئەمساڵ زیاتر لە  13 ملیۆن زیارەتکار سەردانی کەربەلا بکەن، دەسەڵاتدارانی ئێرانیش پێشبینی دەکه‌ن ئەمساڵ پێنج ملیۆن زیاره‌تكاری ئێرانی بگەنە عێراق.