ئەمساڵ ژمارەیەک ئۆتۆمبێلی دیار ماڵئاوایی دەکەن

ئاڤا نیوز

 

بەشێک لە کۆمپانیاکانی ئۆتۆمبێل ئاشکرایان کردووە، ئەمساڵ بە هۆکاری جیاواز کۆتایی بە بەرهەمهێنانی بەشێک لە مۆدێلەکانیان دەهێنن.

 

وێنە گەورەکە: هەردوو جۆری  چێڤرۆلێت کامارۆ و مالیبۆ، فۆرد ئیدج, دۆج رام TRX 1500، میتسیبوشی میراج، نیسان GTR، نیسان تایتن بەرهەمهێنانیان ڕادەگیرێت. 

 

لێدوانە فەرمییەکان: کۆمپانیای چێڤرۆلێت ڕایگەیاند، ئەمساڵ کۆتایی بە بەرهەمهێنانی دوو مۆدێل ئۆتۆمبێل دەهێنێت: کامارۆ  (Chevrolet camaro) کە لە نەوەی شەشەمە لەگەڵ مالیبۆ (Chevrolet Malibu) دوای بەرهەمهێنانی نۆ نەوە و فرۆشتنی زیاتر لە 10 ملیۆن ئۆتۆمبێل لەسەرانسەری جیهان.

 

هەردوو کۆمپانیای فۆرد و میتسیبوشی ڕایانگەیاند، کۆتایی بە بەرهەمهێنانی مۆدێلی فۆرد ئێج و میراج دەهێنن، فۆرد ئەوەشی خستووەتەڕوو کە گرنگی بە فراوانکردنی جۆرەکانی F دەکات. 

دوای 17 ساڵ بەرهەمهێنان، کۆمپانیای نیسان بەرهەمهێنانی مۆدێلی GT-R بۆ باکووری ئەمریکا ڕادەگرێت، هەروەها ئەمساڵ کۆتا مۆدێلی نیسان تایتن دەخرێتە بازاڕەوە و دواتر و بەرهەمهێنانی بەتەواوی ڕادەگیرێت.

ئەمەش بزانە: کۆمپانیای دۆج ساڵی ڕابردوو کۆتایی بە بەرهەمهێنان مۆدێلی ڕام  هێناوە، بەڵام بڕیاریدا ئەمساڵ تەنیا 4000 دانەی دیکە وەک کۆتا وەشان بۆ هەوادارانی پیکاب لە سەرتاسەری جیهان بەرهەم بهێنێت.