وادەی ناردنی مووچەی مانگی حەوت ئاشکراکرا

ئاڤا نیوز

وەزارەتی دارایی عێراق ئەم پێنجشەممەیە دەست بە ناردنی مووچەی مانگی حەوتی فەرمانبەرانی هەرێمی کوردستان دەکات.

چیرۆکی سەرەکی: ئەمڕۆ سێشەممە لە پەرلەمانی عێراق کۆبوونەوەیەک لەنێوان لیژنەی دارایی، پارێزگاری بانکی ناوەندی، وەزیرانی دارایی، نەوت و پلاندانان لەبارەی مووچە و چەند پرسێکی دارایی لە بەغدا بەڕێوەچوو.

لێدوانی فەرمی: د. خەلیل دۆسکی، ئەندامی لیژنەی دارای کە یەکێک بوو لە بەشداربووانی کۆبوونەوەکە بە ئاڤا نیوزی گوت، "تەیف سامی، وەزیری دارایی عێراق ڕایگەیاند ئەم پێنجشەممەیە مووچەی فەرمانبەرانی مەدەنی هەرێمی کوردستان ڕەوانە دەکەن".

زانیاریی زیاتر: لەبارەی مووچەی هێزە ئەمنییەکانیش تەیف سامی بە پەرلەمانتارانی گوتووە؛ تاوەکو ئێستا وردبینی تەواو نەبووە، پێویستیشی بە ڕەزامەندی محەممەد شیاع سوودانی، سەرۆکوەزیرانی عێراق هەیە بۆ ناردنی.