بەرپرسێکی نەتەوەیەکگرتووەکان ئیسرائیل بە "جینۆساید" تۆمەتبار دەکات

ئاڤا نیوز

فرانچیسکا ئالبانیز، ڕیپۆرتەری تایبەتی نەتەوەیەکگرتووەکان لە ناوچە فەڵەستینییە داگیرکراوەکان ئیسرائیل بە ئەنجامدانی "جینۆساید" لە دژی فەڵەستینییەکان تۆمەتبار دەکات.

وێنە گەورەکە:  دوێنێ شەممە ئیسرائیل قوتابخانەیەکی لە غەززە بۆردوومان کرد کە پەناگەی ئاوارەکان بوو، بەهۆیەوە زیاتر لە 100 کەس کوژران کە زۆربەیان ژن و منداڵ بوون. هێرشەکە کاردانەوەی زۆری بەدوای خۆیدا هێنا و سەرکۆنە کرا.

لیدوانی فەرمی: فرانچیسکا ئالبانیز ڕایگەیاند "ئیسرائیل لە قوتابخانەکان، نەخۆشخانەکان، پەناگەی ئاوارەکان، یەک لە دوای یەک، جینۆساید لە دژی فەڵەستینییەکان ئەنجام دەدات."

باکگراوند: ئالبانیز پێشریش لە مانگی ئاداردا ڕایگەیاندبوو، هێرشی ئیسرائیل لە غەززە جینۆسایدە و داوای کردبوو وڵاتان گەمارۆی ئابووری و سەربازی بە سەر ئیسرائیلدا بسەپێنن.