ناوی 13 هەزار خاوەن پێداویستی تایبەت بۆ بڕینەوەی مووچە بەرزدەکرێتەوە

ئاڤا نیوز

وەزارەتی کار و کاروباری کۆمەڵایەتی ناوی زیاتر لە 13 هەزار خاوەن پێداویستی تایبەت بۆ بڕینەوەی مووچە بۆ ئەنجوومەنی وەزیران بەرزدەکاتەوە. جەختیش دەکاتەوە 

لێدوانی فەرمی: کوێستان محەممەد، وەزیری کار و کاروباری کۆمەڵایەتی هەرێمی کوردستان، لە کۆنگرەیەکی ڕۆژنامەوانیدا ڕایگەیاند، لە دوو ساڵی ڕابردوودا 13 هەزار و 252 ناوی کەمئەندام و خاوەن پێداویستی تایبەت تۆمارکراوە، ناوەکان بۆ ئەنجوومەنی وەزیران بەرزکراونەتە بۆ ئەوەی بخرێتە بەرنامەی کار، دواتر پەسەند بکرێت و مووچەیان بۆ ببڕێتەوە.

تەوەریکی دیکە: لەبارەی تووشبووانی ئۆتیزم کوێستان محەممەد گوتی: سێ هەزار منداڵی ئۆتیزم تۆمارکراون و ئەو ژمارەیەش زۆرە. ئاماژەی بەوەش کرد بە چەندین شێواز هاوکاریی تووشبوانیان کردووە.

گۆشەیەکی دیکە: کوێستان محەممەد لە وەڵامی پرسیارێکدا جەختی کردەوە، "لە ماوەی چوار ساڵی ڕابردوودا هیچ حاڵەتێکی بەکارهێنانی ئافرەتانی ناو چاکسازییەکانی هەرێمی کوردستان بۆ کاری بەدڕەوشتی نەبووە، هەر کەسێک توانی بیسەلمێنێت کە یەک حاڵەت هەبووە، ئامادەم دەست لە کار بکێشمەوە".