ئەمساڵ 12 کەس لە سنووری ئیدارەی سۆران خنکاون

ئاڤا نیوز 

ئەمرۆ لە ناوچە جیاوازەکانی هەرێمی کوردستان، پێنج کەس لە ئاودا خنکاون و چەندین کەسی دیکەش ڕزگارکراون.

وێنە گەورەكە: ڕۆژی هەینی 2-8-2024 لە ناوچە جیاوازەکانی هەرێمی کوردستان پێنج کەس خنکاون، لە ماوەی هەشت مانگی ئەمساڵیشدا،12 حاڵەتی خنکان لە سنووری ئیدارەی سۆران تۆمارکراون.

لێدوانی فەرمی: ڕەوەند مەحموود، گوتەبێژی بەرگریی شارستانی سۆران بە ئاڤا نیوزی گوت:" بە هۆی نەزانینی مەلەوانی و گوێپێنەدانی هاونیشتمانیان و گەشتیاران حاڵەتی خنکان لە سنوورەکەمان زیادی کردووە بەردەوام ڕێنمایی بە گەشتیاران و خەڵکی ناوچەکە دەدەین بۆ ڕێگریکردن لە حاڵەتەکانی خنکان".

هۆکارە زانراوەکان: سەرەڕای هەبوونی هێمای ئاگادارکردنەوە لە ناوچە گەشتیارییەکان و دەریاچە و ڕووبارەکان، هاووڵاتیان و گەشتیاران وەک پێویست پابەندی ڕێنماییەکان نابن.