ئیسرائیل هێرشی كردە سەر ناوچەیەكی سووریا

ئاڤا نیوز

ئیسرائیل بەدرۆن هێرشی كردە سەر چەند ناوچەیەك لە سنووری سووریا و لوبنان و بەهۆیەوە بەرپرسێكی حەماس كوژرا.

ئەوەی ئێستا ڕوودەدات: چوار گوند لە نێوان سووریا و لوبنان كەوتونەتە بەر هێرشەكەوە و كوژراو و بریندار هەیە.

ئەوەی پێویستە بیزانیت: "لەم هێرشەدا بەرپرسێكی حەماس و چەند كەسێكی دیكە، كە ئەندامی بەشی سەربازی گرووپە چەكدارەكانی "بەرەی مقاوەمە" ن كوژراون".

لە لایەكی دیكەوە: ئێستا لە لوبنانەوە دەیان مووشەك ئاڕاستەی خاكی ئیسرائیل كران وسیستەمی بەرگریی وەڵامیان دەداتەوە.

وێنە گەورەكە: ڕۆژی چوارشەممەی ڕابردوو لە تارانی پایتەختی ئێران ئیسماعیل هەنییە كوژرا، هەرچەندە ئیسرائیل بەفەرمی بەرپرسیارێتی ڕانەگەیاندووە، بەڵام ئێران ئیسرائیل بە كوشتنی تۆمەتبار دەكات و هەڕەشەی تۆڵەكردنەوە دەكات.