وەزارەتی تەندروستی: هیچ نەخۆشخانەیەک نەفرۆشراوە

ئاڤا نیوز

 

دوای بڵاوبوونەوەی هەواڵی فرۆشتنی نەخۆشخانەیەکی حکومی لە هەولێر، وەزارەتی تەندروستی ڕایگەیاند، نەک تەنیا لە هەولێر، لە پارێزگاکانی دیکەش ئەو کارە نەکراوە.

 

ڕاگەیێنراوی فەرمی: "هەواڵی فرۆشتنی نەخۆشخانەیەکی حکومی لە هەولێر ڕەتدەکەینەوە و دوورە لە ڕاستییەوە؛ ئەوە یەکەمجار نییە هەواڵی بێبنەما بڵاودەکرێنەوە، تەنها و تەنها مەبەست لێی چەواشەکردنی ڕای گشتییە".

 

باکگراوند: چەند ڕۆژێکە هەواڵی فرۆشتنی نەخۆشخانەیەکی حکومی لە هەولێر بڵاوکراوەتەوە و کاردانەوەی دروستکرد؛ وەزارەتی تەندروستیش ڕەتیدەکاتەوە.