بەڕێوەبەری ئاوی دەوروبەری ھەولێر: بە ئاوی بیر چارەسەری کەمئاوی ناکرێت

ئاڤا نیوز 

بەڕێوەبەری ئاوی دەوروبەری ھەولێر دەڵێت، تاڕادەیەکی زۆر کێشەی کەمئاوی کونتڕۆڵکراوە، بەڵام بۆ ساڵانی داھاتوو ناتوانرێت تەنیا پشت بە ئاوی بیر ببەسترێت.

وێنە گەورەکە: ساڵانە لەگەڵ دەستپێکی وەرزی ھاوین، لەبەشێکی شارەکان گرفتی کەمئاوی دروست دەبێت.

لێدوانی فەرمی: ڕێزان سەعدی، بەڕێوەبەری ئاوی دەوروبەری ھەولێر بە ئاڤا نیوزی ڕاگەیاند: لە ھەندێک ناوچەی ڕۆژھەڵات و بەشی باشووری ڕۆژھەڵاتی ھەولێر بەھۆی دابەزینی ئاستی ئاوی ژێر زەوی، لێدانی بیر چارەسەر نییە، لە ساڵانی داھاتوو ناچارین پشت بە ھێنانی ئاو لە زێی گەورە و بچووک ببەستین.

زانیاریی زیاتر: ڕێزان سەعدی گوتیشی: ئێستا ھەوڵێک ھەیە بە ھاوبەشی لەگەڵ بەڕێوەبەرایەتی گشتی، سوود لە ئاوی زێی بچووک وەربگیرێت بۆ قوشتەپەو دەورووبەری، دیراسەی ھێنانی ئاو کراوە لە زێی گەورە بۆ قەزای خەبات و کەورگۆسک بە تایبەتی.

ئەوەی پێویستە بیزانیت: چەند ساڵێکە ئاستی ئاوی ژێر زەوی لە قەزای قوشتەپە تا زیاتر لە 700 مەتر دابەزیوە.