کۆبوونەوەی ئەنجوومەنی پارێزگای کەرکووک دواخرا

ئاڤا نیوز

 

لەسەر داوای محەممەد شیاع سوودانی، سەرۆکوەزیرانی عێراق کۆبوونەوەی ئەنجوومەنی پارێزگای کەرکووک دواخرا بۆ سەرەتای هەفتەی داهاتوو. 

 

وێنە گەورەکە: 10 ڕۆژ ماوە بۆ تەواوبوونی وادەی یاسایی بۆ کۆبوونەوەی لایەنەکان و پێکهێنانی حکومەتی خۆجێی لە کەرکووک، لایەنە براوەکان بەسەر دوو بەرەدا دابەش بوون، بڕیاربوو ئەمڕۆ نۆ ئەندامی ئەنجوومەن بەبێ بانگەوازی کۆبوونەوە لەلایەن ڕاکان جبووری کۆببنەوە.

 

نووسراوی فەرمی: "لەسەر داوای محەممەد شیاع سوودانی، سەرۆکوەزیرانی عێراق بە مەبەستی بەشداریکردنی سەرجەم لایەنەکان لە دانانی پارێزگار و سەرۆکی ئەنجوومەن بڕیارمان دا کۆبوونەوەی ئەمڕۆ بۆ سەرەتای هەفتەی داهاتوو دوابخەین". لە نووسراوی فەرمی هاوپەیمانی کەرکووک هێز و ئیرادەمانە واهاتووە.

 

ئەوەی پێشبینی دەکرێت: چاوەڕوان دەکرێت سەرەتای هەفتەی داهاتوو ڕاکان جبووری، پارێزگاری بەوەکالەت بانگەوازی کۆبوونەوە بکات و حکومەتی خۆجێیی پارێزگاکە پێکبهێنرێت.