بانکی ناوەندیی عێراق ڕێنمایی نوێ بۆ دابینکردنی دۆلار بە گەشتیاران دەردەکات

ئاڤا نیوز

بانکی ناوەندیی عێراق ڕێنمایی نوێ بۆ ئەو کۆمپانیایانە دەردەکات، کە دۆلار بە نرخی بانکی ناوەندیی عێراق بە گەشتیاران دەدەن.

 

چیرۆکی سەرەکی: بانکی ناوەندیی عێراق داوا لە کۆمپانیاکانی ئاڵوگۆڕی دراو لە پلەی A و B دەکات، دۆلار بەو گەشتیارانە نەدەن کە ڤیزایان لە کۆمپانیا سزادراوەکانی فڕۆکەوانی و کۆمپانیاکانی گەشتوگوزار وەرگرتووە. 

 

هۆکارە زانراوەکان: ئامانج لەو بڕیارەی بانکی ناوەندی، چاودێری و ڕێکخستنە، بۆ ئەوەی دۆلار بەو گەشتیارانە نەدرێت کە لەو کۆمپانیایانەی لە لیستی سزاکانی ناوخۆیی و نێودەوڵەتین ڤیزایان وەرگرتووە. 

 

زانیاریی زیاتر: هەر گەشتیارێک لە کاتی گەشتکردندا دەتوانێت تاوەکو سێ هەزار دۆلار بە نرخی فەرمی وەربگرێت، حەوت کۆمپانیای ئاڵوگۆڕی دراوی عێراقی مۆڵەتیان بۆ فرۆشتنی دۆلار وەرگرتووە و لەنێو فڕۆکەخانە نووسینگە دەکەنەوە و دۆلار بە نرخی فەرمیی بانکی ناوەندی دەفرۆشن، واتە  100 دۆلار بە 132 هەزار دینار.