کوژرانی هەنیە نرخی نەوتی بەرزکردەوە

ئاڤا نیوز

 

دوای بڵاوبوونەوی هەواڵی کوژرانی ئیسماعیل هەنیە، سەرۆکی مەکتەبی سیاسیی حەماس لە تاران، نرخی نەوت بەرزبووەوە و گەیشتە نزیکەی 80 دۆلار.

 

وێنە گەورەکە: بەرەبەیانی ئەمڕۆ لە هێرشێکی مووشەکیدا لە تاران ئیسماعیل هەنیە کوژرا و ڕووداوەکەش جگە لە کاردانەوەیەکی جیهانی، کاریگەری لەسەر بازاڕی نەوتیش دروست کرد.

 

زانیاریی بەدەستهاتوو: ماڵپەری بلۆمبێرگ بڵاوی کردەوە، لەگەڵ کوژرانی هەنیە نرخی نەوت بەرزبوونەوەی بەخۆیەوە بینیەوە، نەوتی برێنت 1.5 بەرزبوویەوە و گەیشتووەتە 80 دۆلار.

 

ئەوەی پێویستە بیزانیت: دوێنێ لەگەڵ داخستنی بازاڕی نەوت نرخی یەک بەرمیل نەوتی برێنت 78 دۆلار و حەوت سەنت بوو، بەڵام بەهۆی ڕووداوی کوشتنی ئیسماعیل هەنیەوە نرخی نەوتیش بەرزبووەوە.

 

ژمارەكان وادەڵێن: تاوەکو ئامادەکردنی ئەم هەواڵە نرخەکان بەمشێوەیە بوون:

- نرخی یەك بەرمیل نەوتی برێنت 79 دۆلار و 53 سەنتە.

- نرخی یەك بەرمیل نەوتی خاوی تێکساس 76 دۆلار و 22 سەنتە.