وەزارەتی دارایی و ئابووری لەبارەی وەرگرتنی باج لە کۆمپانیاکان ڕوونکردنەوە دەدات

ئاڤا نیوز

 

وەزارەتی دارایی و ئابووری ڕایگەیاند، تەنیا لەچەند باجێکی دیاریکراو بەرپرسین، هەر بڕەپارەیەک جیا لەوە لە خەڵک وەربگیرێت لێی بەرپرس نین.

 

وێنە گەورەکە: ماوەیەکە لە بەشێکی دەروازە سنوورییەکانی هەرێمی کوردستان چەند کۆمپانیایەک بە ناوی حکومەتەوە باج لە بازرگانان و کۆمپانیاکان وەردەگرن. 

 

ڕاگیێنراوی فەرمی: ئەمڕۆ یەکشەممە وەزارەتی دارایی و ئابووری ڕایگەیاند: بەڕێوەبەرایەتیی گشتی باجەکان و خانووبەرەی میری تەنیا لە وەرگرتنی چەند جۆرە باجێک بەرپرسە، هەر بڕە پارەیەک بە ناوی باج جیا لەوانە وەربگیرێت لێی بەرپرس نین.

 

زانیاریی زیاتر: ئەو باجانەی حکومەت لە بازرگان و کۆمپانیاکان وەریدەگرێت بەمشێوەیە: 

 

 باجی کۆمپانیاکان، بە ڕێژەی 15% بەگوێرەی یاسای باجی دەرامەتی ژمارە 113ی ساڵی 1982ی هەموارکراو وەردەگیرێت، ئەوەش لە ئەنجامی ئەو چالاکیانەی لە هەرێمی کوردستان بەدەستیانهێناوە.

-هیچ باجێک ناکەوێتە ئەستۆی کۆمپانیا ئەگەر قازانجی نەکردبێت.

-کۆمپانیاکان لە پرۆژەکانی وەبەرهێنان بۆ ماوەی 10 ساڵ لە باج دەبەخشرێن، لە ڕێگەی پێشکەشکردنی خزمەتگوزاری.