ئەمساڵ ڕێککەوتنێکی دیکەی نێوان هەولێر و بەغدا جێبەجێدەکرێت

ئاڤا نیوز 

 

ئەمساڵ ڕێکەوتنی نێوان هەرێمی کوردستان و عێراق بە تەرخان کردنی ڕێژەیەک لە کورسی زانکۆکانی هەردوولا بۆ قوتانیانی یەکتر دەچێتە بواری جێبەجێکردنەوە.

وێنە گەورەکە: وەزارەتی خوێندانی باڵای هەرێمی کوردستان و عێراق ڕێکەوتوون لەسەر تەرخان کردنی ڕێژەی 5٪ کورسییەکانی زانکۆ حکومیەکانی هەرێمی کوردستان بۆ قوتابییانی باشوور و ناوەڕاستی عێراق، تەرخانکردنی 5٪ کورسی زانکۆ حکومیەکانی عێراق بۆ قوتابییانی هەرێمی کوردستان.

لێدوانی فەرمی: د.خەتاب ئەحمەد، بەڕێوەبەری گشتیی خوێندن و پلاندانان لە وەزارەتی خوێندن باڵا و توێژینەوەی زانستی هەرێمی کوردستان بە ئاڤا نیوزی گوت: شاندێکی وەزارەتی خوێندنی باڵای هەرێمی کوردستان دەچێتە بەغدا بۆ گفتوگۆکردن لەگەل وەزارەتی خوێندنی باڵای عێراق و ڕێکەوتن لەسەر وردەکاری و چۆنیەتی جێبەجێکردنی ئەو ڕێکەوتنە.

بۆچی گرنگە: لە ڕێگەی ئەم ڕێکەوتنە ژمارەیەکی زیاتر کورسی خوێندن لە زانکۆ حکومیەکان بۆ قوتابییانی هەرێمی کوردستان تەرخان دەکرێت، چونکە ژمارەی زانکۆ حکومیەکانی عێراق زیاترە لە زانکۆکانی هەرێمی کوردستان.