ڕێژەی سەوزایی لە هەولێر گەیشتووەتە 20٪

ئاڤا نیوز

بەڕێوەوەبەری ئەندازەی پارکەکانی هەولێر دەڵێت ڕێژەی سەوزایی پایتەخت بۆ 20٪ بەرزبووەتەوە. هاوکات لە ماوەی پێنج ساڵدا نزیکەی 700 هەزار دار و گوڵ بەرهەمهێنراون و چێنراون.

وێنە گەورەکە: لەکاتێکدا بەهۆی گۆڕانی کەشوهەوا لە زۆربەی وڵاتانی جیهان ساڵ دوای ساڵ مەترسییەکان لەسەر ژینگە زۆرتر دەبن، له پێنج ساڵی ڕابردوودا  لە هەرێمی کوردستان كار و چالاكی زۆر لە بواری ژینگەدا كراون و ڕووبەری سەوزایی فراوان بووە. 

 

لێدوانی فەرمی: ڕێبین ئەحمەد، بەڕێوەبەری ئەندازەی پارکەکانی هەولێر بە ئاڤا نیوزی گوت: "لە پێنج ساڵی ڕابردوودا نزیکەی 400 هەزار گوڵ و 300 هەزار دار بەرهەمهێنراون و چێنراون، پلانمان وایە ساڵانە بەرهەممان زۆرتر بکەین".

 

زانیاری زیاتر: ساڵی 2019 تا 2023، هەر ساڵێک نزیکەی 180 هەزار دار و گوڵ بەرهەمهێنراون، ڕێژی سەوزایی شاری هەولێر ئێستا گەیشتووەتە 20٪، ئەم ڕێژەیەش لە ئاست ستانداری جیهانیدایە. بڕیارە سێ پارکی دیکەش بە گوژمەی ملیارێک و 50 ملیۆن دینار دروست بکرێن.