وەزارەتی بەرگریی تورکیا وەڵامی شاناز ئیبراهیم ئەحمەد دەداتەوە

ئاڤا نیوز

 

زەکی ئەکتورک، ڕاوێژکاری ڕۆژنامەوانیی وەزارەتی بەرگریی تورکیا وەڵامی شاناز ئیبراهیم ئەحمەد، هاوژینی د.عەبدوللەتیف ڕەشید، هاوژینی سەرۆککۆماری عێراق دەداتەوە کە "تورکیا بە سووتاندنی گوند و خانووەکانی هەرێمی کوردستان تۆمەتبار دەکات" و قسەکانی "بە تۆمەت هەڵبەستن" ناودەبات.

 

وێنە گەورەکە: وەزارەتی بەرگریی تورکیا لە کۆنگرەی ڕۆژنامەوانیی هەفتانەی خۆی ئاماری کوشتنی گەریلاکانی ڕاگەیاند کە لەماوەی یەک هەفتەدا 94 گەریلا لە سنووری هەرێمی کوردستان کورژراون. 

 

لێدوانی فەرمی: زەکی ئەکتورک، ڕاوێژکاری ڕۆژنامەوانیی وەزارەتی بەرگریی تورکیا گوتی: ڕوونە کە ئەم لێدوان و تۆمەتانە ڕەنگدانەوەی دۆخی گشتیی عێراق نین، جگە لەوەش لایەنی عێراقیش پەکەکەی وەک ڕێکخراوێکی قەدەغەکراو ناساند، وڵاتەکەمان لەسەر ئەو جۆرە تۆمەتە بێ بنەمایە دیالۆگ لەگەڵ برا عێراقییەکانمان پەرە پێنادات.

 

ژمارەکان وا دەڵێن: بەپێی ئاماری وەزارەتی بەرگریی تورکیا، لە ماوەی یەک هەفتەدا 94 گەریلا کوژراون، لەسەرەتای ساڵەوە 726 شەڕڤانی ڕۆژئاوا و 795 گەریلا لە سنووری هەرێمی کوردستان کوژراون.