عێراق کار بۆ کەمکردنەوەی خۆڵبارین دەکات

ئاڤا نیوز 

 

بە پاڵپشتی بەریتانیا وه‌زاره‌تی ژینگه‌ی عێراق پرۆژیه‌ک بۆ كه‌مكردنه‌وه‌ و ڕێگرتن له‌دروستبوونی خۆڵبارین جێبه‌جێ ده‌كات. 
 
وێنە گەورەکە: بەهۆی گۆڕانی كەشوهەوا ،خۆڵبارین لەزۆربه‌ی وڵاتانی جیهان زیادی كردووە، عێراق یه‌كێكه‌ له‌و وڵاتانه‌ی زۆرترین زیانی گۆڕانکاری کەشوهەوای بەرکەوتووە.

 

لێدوانی فەرمی: یوسف موئه‌یه‌د به‌رێوه‌به‌ری گۆرانكاریكانی كه‌شوهه‌وا له‌وه‌زاره‌تی ژینگه‌ی عێراق ڕایگه‌یاند: به‌پاڵپشتی دارایی به‌ریتانیا وه‌زاره‌تی ژینگه‌ی عێراق به‌هاوكاریی ڕێكخراوه‌كانی سه‌ر به‌نه‌ته‌وه‌ یه‌كگرتووه‌كانی تایبه‌ت به‌ژینگه‌، له‌ماوەی داهاتوودا پرۆژه‌یه‌كی تایبه‌ت به‌ڕێگرتن له‌ دروستبوونی خۆڵبارین و كه‌مكردنه‌وه‌ی كاریگه‌رییه‌كانی جێبه‌جێ ده‌كات.

 

ئه‌وه‌ی ئێستا ڕووده‌دات: لە بودجە 2024، عێراق بڕی 10 ملیار و 800 ملیۆن دینار بۆ پاڵپشتی کەرتی ژینگە ته‌رخانكراوه‌  و بەسەر وەزارەتەکانی نەوت، کارەبا و ژینگەدا دابەشکراون.