چین و ئەفغانستان دەست بە بەرهەمهێنانی مس دەکەن

ئاڤا نیوز

 

ئەفغانستان و چین بە فەرمی پڕۆژەیەکی گەورەی دەرهێنانی مسیان لە دووەم گەورەترین کانگای ناسراو لە جیهان کە دەکەوێتە نزیک کابول دەستپێدەکەن.

 

وێنە گەورەكە: لە ئەفغانستان ڕێژەیەكی زۆری مس هەیە، دوای ئەوەی تاڵبیان تەواوی ئەفغانستانی کۆنترۆڵکرد، لەگەڵ چین ڕێككەوتن بۆ ئەوەی بەشێكی زۆر لە مسەكەی دەربهێنن.

 

ئەوەی پێویستە بیزانیت:  بەهۆی گرفتە ئەمنییەكانی كابوول، دەرهێنانی مس لەم كانگایە لە ساڵی 2008 ەوە وەستاوە، یەدەگی مس لەم كانگایە بە 11.5 ملیۆن تۆن دەخەمڵێندرێت، لە سەرەتای 2025 دەستدەكرێت بە بەرهەمهێنان تیایدا.

 

لێدوانی فەرمی: عەبدولغەنی بەرادار، جێگری سەرۆکوەزیرانی ئەفغانستان بۆ کاروباری ئابووری گوتی:” كاری خێرا دەكرێت لە  كانگەكەدا و ڕێوشوێنی ئەمنی توندیش گیراوەتەبەر بۆ پاراستنی ناوچەكە".

 

ڕێككەوتنەكە بەم شێوەیەیە: كۆمپانیای وەبەرهێنان مس لە كانگەكە بەرمدەهێنێت و ڕێگەیەكی نۆ كیلۆمەتری بۆ شوێنەكە دروستدەكات و پشكی تایبەت بەخۆی وەردەگرێت، ئەوەشی كە دەمێنێتەوە بۆ حكومەتی تاڵیبان دەبێت.